Maxfiylik siyosati

Oxirgi yangilanish: 2026-08-19

FURAM.uz — yuk egalari, transport egalari, haydovchilar va dispetcherlarni bog'laydigan platforma. Ishlash uchun bizga sizning ba'zi ma'lumotlaringiz kerak bo'ladi. Quyida nima yig'ilishi, nima uchun va kim ko'rishi yozilgan.

Qanday ma'lumot yig'amiz

Ro'yxatdan o'tishda

Telefon raqami — hisobingizni aniqlash va tasdiqlash kodi uchun
Ism va familiya
Rol: yuk egasi, haydovchi, transport egasi yoki dispetcher

Haydovchi profilida (ixtiyoriy)

Tug'ilgan sana, yashash hududi, staj
Pasport va haydovchilik guvohnomasi raqami hamda rasmi
Prava toifalari va amal qilish muddati
Ishlay oladigan davlatlar, tillar, sertifikatlar

Transport va reys bo'yicha

Mashina ma'lumotlari: raqam, marka, VIN, hujjatlar va rasmlar
Reys davomida yuborilgan lokatsiya nuqtalari
Xarajatlar, chek rasmlari, olingan pullar
Reys chatidagi xabarlar va biriktirilgan fayllar

Texnik ma'lumot

Kirish vaqti, IP manzil va qurilma haqida qisqa ma'lumot — begona kirishni aniqlash uchun
Muvaffaqiyatsiz kirish urinishlari — parolni tanlab olishga qarshi

Nima uchun ishlatamiz

Hisobingizni yaratish va himoyalash
Yuk va transportni bir-biriga moslashtirish
Reysni kuzatish: lokatsiya, xarajat, hujjat, hisob-kitob
Hujjat muddati tugashi haqida ogohlantirish
Nizo chiqqanda kim nima kiritganini aniqlash

Ma'lumotlaringizni reklama maqsadida uchinchi shaxslarga sotmaymiz va bermaymiz.

Kim ko'radi

Bu eng muhim qism. Platformada ma'lumot hamma uchun ochiq emas:

E'lonlar (yuk va transport) — tizimga kirgan foydalanuvchilarga ko'rinadi
Telefon raqami — faqat siz bilan ishlashni boshlagan tomonga ochiladi
Pasport va prava rasmi — faqat o'zingizga va siz ishlayotgan transport egasiga
Mashina hujjatlari — faqat mashina egasiga
Reys ichidagi ma'lumot (lokatsiya, xarajat, chat, hujjat) — faqat o'sha reys ishtirokchilariga
Moliyaviy hisob — faqat egasiga va tegishli ishtirokchilarga

Yuklangan fayllar ochiq havolada turmaydi — har safar so'ralganda sizning huquqingiz tekshiriladi.

Lokatsiya

Lokatsiya faqat faol reys davomida va faqat siz yuborganingizda saqlanadi. Fonda kuzatib turmaymiz. Reys yopilgach yangi nuqta qo'shilmaydi.

Qancha saqlanadi

Reys tarixi — o'zgarmas holda saqlanadi. Nizo va hisob-kitob uchun kerak
Hisobni o'chirsangiz — 30 kun ichida qaytarib olish mumkin, keyin shaxsiy ma'lumot o'chiriladi
Kirish urinishlari — 24 soatdan keyin tozalanadi

Yopilgan reysdagi yozuvlar o'chirilmaydi: ular boshqa ishtirokchilarning ham hisobiga taalluqli.

Uchinchi tomon xizmatlari

SMS operatori — tasdiqlash kodini yuborish uchun telefon raqamingiz uzatiladi
Hujjat skaneri — agar siz roziligingizni bersangiz, pasport yoki prava rasmi matnni o'qish uchun tashqi xizmatga yuboriladi. Rozilik so'ralmasdan yuborilmaydi va natija bazaga o'z-o'zidan yozilmaydi — siz ko'rib tasdiqlaysiz

Sizning huquqlaringiz

O'z ma'lumotingizni ko'rish va tuzatish
Hujjat rasmlarini o'chirish
Hisobni o'chirish
Ma'lumot qanday ishlatilayotgani haqida so'rash

Xavfsizlik

Parollar shifrlangan holda saqlanadi — ularni biz ham o'qiy olmaymiz. Kirish urinishlari cheklangan. Ulanish HTTPS orqali himoyalangan. Shunga qaramay hech bir tizim 100% xavfsiz emas — parolingizni hech kimga bermang va shubhali harakat sezsangiz darhol o'zgartiring.

Aloqa

Savol yoki so'rov bo'lsa: info@furam.uz yoki Telegram @furam_uz.